Neineik husi tempu ba tempu, komunidade uma lulik orijinál barak iha área lian Waima’a iha Baucau husik sira-nia fatin ka kaben ho membru komunidade lian Makasae. Mudansa istóriku idd-ne’e reflete iha istória uma Loi Leki nian hanesan uma lulik lian Waima’a ida ne’ebé importante liu iha área bee-matan no aldeia Wailili (kilometru sanulu ba diresaun oeste husi Baucau). Istória sira ne’e konta kona-ba tempu bei’ala sira nia bainhira ema sira mosu husi bee’matan no ukun rasik sira-nia rai to’o ikus hetan ukun husi reinu Luca nian no kaben ho ema lian Makasae sira. 

Katuas ida konta kona-ba oinsá hori uluk bei’ala feto ida husi uma Loi Leki mosu husi rai okos no fila an ba bibi rusa kapás ida. Tuirmai, mane ida tun husi lalelan no kaben ho bibi rusa ne’ebé fila an fali ba feto. Hanesan konsekuénsia husi relasaun sira-ne’e, jerasaun foun uma Loi Leki nian kontinua hahii balada sira. Katuas ida husi uma seluk ne’ebé liga ho Loi Leki kona kona-ba oinsá, iha períodu rai nakukun nian, kalan kalan tuna sira mosu mai husi bee-matan ida naran Wai Lakulo no fila an ba laku ne’ebé han ai-fuan rai nian to’o bosu. Dadeersan sedu laku sira fila ba bee-matan hanesan tuna. Ikusliu bainhira ema dahuluk ama Loi Leki nian mós sai husi bee Wai Lakulo nia, sira-nia bei’ala ka “dai” maka tuna no samea boot, forma seluk husi tuna. Hori uluk, ema konta katak tuna sira mosu husi bee-matan no fila an ba ema ho tilun hanesan laku nian, ka bele mós sira fila an ba samea.

Istória seluk husi jerasaun uma lulik Loi Leki nian konta kona-ba tempu dahuluk reinu Luca nian. Hori uluk uma lulik oioin iha Wailili (ne’ebé iha periodu tuirmai halibur hamutuk ho sira seluk iha ukun Uma Medai husi Luca nia okos) mak ida de’it: Loi Leki. Uma sanak sira ne’e konsidera to’o ohin loron hanesan uma lisan inan-aman iha área ne’e (Makasae: ina-bobo) ho importánsia boot hanesan na’in ba bee-matan, rai no bee Wailili nian. Maski nune’e sira-nia uku remata iha momentu mane ida husi reinu Luca to’o mai. Tanba la bele kaben ho feto lokál, mane refere fila ba Luca hodi foti au oan nakonu ho bee. Fila fali ba Wailili, nia soe bee ne’e ba rai iha feto nia uma sorin. Asaun ne’e halo bee barak husi rai okos tolan knua ne’e tomak to’o ema hotu mate no hamosu bee-matan foun naran “Ira Luca.” Istória no rituál sira deskreve mane ida-ne’e, Dukai husi Luca, hanesan mane ho ambisaun boot atu kontrola buat hotu-hotu husi foho to’o tasi. 
_____________

Overtime many of the original Waima’a speaking houses of Baucau either departed the area or inter-married with Makasae speakers. This historical shift is also evident in the narratives associated with the house of Loi Leki, a once prominent Waima’a speaking house in the spring grove and village of Wailili (ten kilometers east of Baucau). Taken as a whole these stories recount how in ancestral times people emerged out of springs ruling themselves, until later coming under the rule of Luca and finally intermarry with incoming Makasae speakers

One elder recounts how in the beginning a woman ancestor of the house of Loi Leki emerged from the earth below and turned herself into a beautiful deer. Later, a man descended from the sky and married this deer which then transformed back into a woman. As a result of such connections the descendents of the house of Loi Leki continue to worship wild animals. An elder from another connected house tells how, in the dark earth period, each night eels would emerge from a spring called Wai Lakulo and turn themselves into civet cats feasting on the fruits of the land. By morning they would return to the spring as eels. Eventually when the first people of the house of Loi Leki also emerged from the waters of Wai Lakulo, their preeminent ancestral spirit or dai was both the eel and the great snake, another manifestation of the eel. In past times, it is said these eels would emerge from the spring and change into people, with ears like civet cats, or else they might change into snakes.

Other stories told by the descendents of the origin house of Loi Leki tell about the coming of Luca. In the beginning the various origin houses of Wailili5 (which would later come together with others under the rule of Uma Medai from Luca) comprised only one house, Loi Leki. These descendent houses are still considered the mother-father clans of the area (M: ina-bobo) and have ritual preeminence as custodians of Wailili’s spring groves, land and waters. However, their political pre-eminence was overthrown at some point by the arrival of a man from the kingdom of Luca. Denied marriage with a local woman, this man returned to Luca to collect a bamboo length of water. On his arrival back to Wailili he threw this water on the ground by the woman’s family home. This triggered an eruption of subterranean waters which swallowed the hamlet in its entirety, drowning the people and creating a new spring known as Ira Luca. This man, Dukai from Luca, is characterized in ritual verse as seeking to control everything from the mountains to the sea.