Tais koli ne’e hanesan mós ho tais regulár sira seluk ne'ebé mak bei'ala sira halo no to’o agora mós sei kontinua nafatin halo husi jerasaun sira iha Suai Loro. Tais ida ne’e husi tempu uluk kedas dala barak liu uza bainhira feto foun ida nia banin mate, nia tenke lori tais koli ne’e hodi taka ba banin nia kaixaun. Funsaun seluk mak halo dekorasaun ba ema nia festa kazamentu. Tais koli ne’e nia modelu la'ós propriu ema ka lisan ida nian de'it, maibé tais ne’e ema hotu bele halo no uza.

Iha tempu uluk avo sira halo tais ne'e husi algodaun ne'ebé mak ema kuda, maibé ohin loron ho ezisténsia kabas fábrika ema bele halo tais Koli ne'e ho kores oin-oin. Tais koli ne’e ita bele haree nia diferensa liu husi nia futus mak hanesan tais Koli ho diman haat to'o diman ualu. Folin tais Koli depende ba diman ne'ebé mak dezeña iha tais refere, kuandu diman ne'e aumenta entaun tais refere nia presu mós karun liu tan.

Prosesu prodús tais Koli ne’e primeiru ita sei prepara kabas ho nia kores ne'ebé ita presiza, tuir mai ita halo nia futus, bainhira futus prepara ona mak foin hahú soru. Prosesu soru tais Koli ne'e han tempu naruk oituan tanba tais refere naruk no luan.

Iha Suai Loro, bainhira iha prosesu soru tais ne'e mak ema ruma mate iha aldeia laran entaun ita labele soru tais, depois dé mate isin hakoi tiha mak foin kontinua soru fila fali, ida ne'e hanesan meius ida hodi fó respeitu ba matebian ne’ebé mate.
==================================================================
Tais Koli is the same as other ordinary tais made by our ancestors and will continue to be made by the Suai Loro generation. This tais from ancient times until now is often used when the parents-in-law of a daughter-in-law die, she must bring this Koli tais to cover the coffin of the parents-in-law. Another function is to make wedding party decorations. The tais Koli model does not belong to any one person or tradition but can be made and used by everyone from all circles.

Our ancestors used to make tais from the cotton they grew, but nowadays with the availability of yarn from factories, people can make tais koli in different colors. We can see the difference in tais Koli by looking at the tais Koli with four spears to eight spears. Usually, the price of Koli tais depends on the spearheads in the tais. The more spearheads the more expensive the tais. 

In the process of making tais Koli, firstly the yarn with the required colors will be prepared, then proceed to make Futus depending on the number of spearheads desired, if the futus is ready then just start weaving. The process of making tais koli takes quite a long time because tais Koli are long and wide compared to tais in general.

In Suai Loro, during the process of weaving tais, if someone dies in the village then it is forbidden to weave. After the dead person is buried, then the weaving can continue. This is a tradition in Suai Loro to respect the dead.