Foto tais ida-ne'e hasai iha Abril tinan 2010 husi Fundasaun Alola. Tais ne’e soru husi Candida Soares Pinto iha tinan 2000. Tais ne’e tahan rua mak suku hamutuk  predominante ho kór mean  ho risku boot metan neen iha tahan ida no tekniku futus/ikat. Tais tahan primeru hanesan ho segundu ho nia futus boot ida iha sorin-sorin entre futus kiik sira. Material ba halo tais ne’e uza kabas loja no nia motif uza kór naturál. Tais ne’e iha motif baria tahan no odan. Deskrisaun motif hirak ne’e reprezenta plantasaun ka simbolu natureza no objetu kulturál. Funsaun tais  ne’e uza ba halo barlake,  serimonia kulturál no seluk tan.