Dokumentasaun Fundasaun Alola hasai iha suku Parlamento Aldeia Ira-Ara postu Administrativu Lautem municipiu Lautem iha Abril 2010
 
Tais mane ne’e kesi futus no halo ho kór natural husi Joanina Soares no soru husi Maria dos Santos, idade 60. Tais ne’e halo iha tinan 1989 iha suku Parlamento, postu administrative Lautem, munisipiu Lautem.  Tais mane Sika Lau tahan rua mak suku hamutuk  predominante ho kór metan ho tekniku futus/ikat. Tais tahan primeru hanesan ho segundu ho nia futus boot tolu no iha futus ki’ik 24 reskadu/stripe ki’ik entre futus boot sira. Material ba halo tais ne’e uza kabas lokal no nia motif uza kór natural. Tais ne’e iha motif “Lopo Fataluku/Lutu ka Moru", "May Fataluku/Manu Makikit Tetum, "Marlauhana Loiasu Hiape Fataluku/Ema Sa'e Ro", "Marlau Hana Kuca Hiope Fataluku/Ema Sa'e Kuda", "Poria – Asa – Faria Fataluku/Ai-nitas Tahan/Wterculia Foetida-Latin". Deskrisaun motif hirak ne’e reprezenta objetu kultural, animal, planta no geometric. Dezeñu hirak ne’e reflete iha fatuk lolon Ili kere-kere Tutuala. Tais Sica Lau ne'e númeru primeiru  iha estrutura sosial ba ema fataluku sira bainhira halo lia hanesan fó barlake ba manefoun no manefoun troka ho karau. Tais ne’e bain-bain ema liurai sira mak hatais hodi halo serimónia kultural, simu bainaka espesial hanesan selebrasaun loron nasional.