Jerasaun husi avó Bilibere-Bili Bili Ubu, Umane ba Duas Mali, Mane Telu (Usi), Goudo (Kailako) no Bere Ubun (Marobo). Uma Bili Ubu Nera (iha mos uma Bili Ubu seluk iha Usi) sira mak 'uma xefe suku' ne'ebé 'ukun ema'. Tuir tradisaun  xefe suku sira tenke hili husi uma ida ne'e. Hamutuk ho uma Liko Loko bolu 'Lesu no Bane'. Tuir informasaun husi komunidade Uat, liu liu Abel Pereira no uma ulun Bili Ubu, iha tempu Portugues nian, autoridade kolonial sira mak fo bandeira (nudar simbolo ukun nian) ba Bili Ubu nudar xefe suku no uma Bau Ubun nudar Liurai. Tuir tradisaun karik la iha ema ida ne'be bele kaer ukun nudar xefe suku husi ima Bili Ubu entaun komunidade bele hili ida husi uma Manephat ne'ebé mós uma dato.  Uma BIli Ubu mos bolu 'uma ai' tamba uluk membru uma sira hatene 'halo ukir uma' (kemak: sui txua to'o ba txua) (uma seluk tan nebe mos bele mak Dias Mali no Bau Ubun).