Knua tuan Uat nian, naran Tapor, hamriik iha foho oan ida  besik knua foun. Molok invazaun Indonéziu uma fukun Uat nian ne'ebé mós bolu 'Sepulu Nera' hamriik iha knua tuan. Ohin loron fatuk hada sei hamriik iha knua tuan iklui mos bosok, fatuk no ai seremoniál sira.  Hafoin independénsia komunidade Uat komesa harii fila fali sira-nia uma fukun iha knua foun. Estrutura uma sira ne'e bolu 'simples' tanba dala ruma la konsege tuir tradisaun arkitektóniku tempu uluk nian. 

Istória fundasaun knua Uat nian tuir katuas lia na'in sira husi uma Manephat no Bili Ubun

Tuir ai-knanoik husi komunidade Uat (Sepulu Nera), akontese katak iha tempu udan avo sira buka rai hodi halo moris di'ak. Molok ida ne’e rai ne’ebé de'it sira buka harii sira nia uma rai halai monu ba beibeik.

Loron ida avo sira hasoru asu ida ne’ebé, mézmuke udan bo’ot tun mai, nia fulun maran hela. Hafoin sire deskobre ne’e sira soe ahi kdesan (sinzas) ba asu nia fulun no tuir nia to’o sira mai iha fatin ne’ebé luan no matak.

Uma sira ne’ebé muda mai ba rai ida ne’e maka Lika Ubun, Lika Loko (Loro) no Bili Ubun (Suku). Bainhira sira to’o iha fatin, sira hamulak iha fatuk lulik ida naran ‘Napa Lamak Toe Hoe’ no hahú tau naran ba fatuk, ai no fatin seluk iha rai ne’e. Prosesu harii knua sira bolu ‘Tari Tali Se’e Atzu’ (Tetun: Tali kotuk, baku fatuk nakfera). Fatin rua seluk ne’ebé importante tebes ba komunidade ida mak ‘Datu Ras, Mau Koli’ (fatin halo lulik to’os) no ‘Lama Lori, Lia Lori (fatin soe fo’er animál) ne’ebé iha ligasaun ho halo lulik.
______________

The old Hamlet of Uat, called Tapor, stands on a small mountain close to the new hamlet. Prior to the Indonesian invasion, the origin house of Uat which was also known as “Sepulu Nera” was erected in the old hamlet. Today piles of rocks still stand in the old village together with the altar for animal sacrifices and ceremonial stones and wood. After independence, the community of Uat began to rebuild their origin houses in the new hamlet. These structures are considered to be somewhat simplified as they were not able to follow closely the architectural traditions of the past. 

What follows is the story of the establishment of the Uat hamlet according to the keepers of the word of Manephat and Bili Ubun. 

According to the legends of the community of Uat (Sepulu Nera), during the rainy season the ancestors were looking for land on which to make a good life for themselves. Prior to this, landslides would carry away their homes on whatever piece of land they selected to build them. 

One day, one of the ancestors noticed a dog whose fur, in spite of the heavy rain that was falling, stayed dry. Taking stock of this, they decided to place some ashes from the fire in the dog’s fur and then followed it to a green and spacious place. The houses that were relocated to this site are Lika Ubun, Lika Loko (Loro) and Bili Ubun (suku). Arriving at the new site, they said ritual prayers at a sacred place called “Napa Lamak Toe Hoe” and commenced naming the rocks, wood and other objects in this area. The process of establishing the hamlets is know as “Tari Tali Se’e Atzu” (which means “back ropes, beat the stones until they are crushed.”) Two other sites of significance to the local community are “Datu Ras, Mau Koli” (a place for making sacred rocks) and “Lama Lori, Lia Lori” (place to discard animal excrement) which are both connected to “lulik” (sacred) powers.