Liu tiha loron ne’ebé komunidade Saburai sunu du'ut, duni no kaer balada sira iha territoriu, komunidade tomak halibur malu iha fatin ida naran ‘La' Ta'. Iha La' Ta' membru ida-idak husi uma lisan Saburai nian tenke lori buat ruma ba serimónia (liman etun) hanesan animál, foos, batar ka bua no malus entrega ba 'Ukon Gomo' ne’ebé responsavel ba prepara ai-hán seremónia nian. Lolo Gomo sira tau matan ba saida de’it ema ida-idak lori no nia iha knaar atu tau matan katak sira lori aihán lulik fila fali ba sira-nia uma. Lokar Gomo (kukun-na’in) hamutuk ho Lal Gomo (Lia-na’in), Lolo Gomo (Kabu) no Ukon Gono (Lia Nain) hamulak iha ai fatuk na’in tolu ne’ebé reprezenta grupu tolu ne’ebé uma lisan sira hotu tama ba hanesan: Loi Nai (hamriik mesak), Mone Ichu Mil / Gamal Ichu, Ratu ka Datu Mil / Gamal Datu. Bainhira serimónia remata membru uma lisan sira hotu nian lori hahán lulik no bua malus fila fali ba sira-nia uma. Serimónia ida ne'e nia objetivu maka haburas rai. Hafoin ema hotu hotu fila ba uma, kukun na’in sira hamutuk ho uma ulun no inan feto sira ne’ebé hein uma lori ai-han no hamulak ba bei’ala sira iha knua tuan. 

——————————

Following the day on which the Saburai community burns the grass and rounds up and catches animals in the local vicinity, the community gathers together in a place known as “La’ Ta.” At “La’Ta” individual members of the Saburai house community are obliged to bring something to the ceremony, for example animals, rice, corn or betel nut and leaf, to surrender to “Ukon Gomo” (custodian of the word) who is responsible for preparation of the ceremonial food. The “Lolo Gomo” are in charge of paying attention to what each person contributes to the ceremony and of ensuring that they take home again any “lulik” foods. The Lokar Gomo (spirits of darkness) together with the Lalo Gomo (custodian of the word), the Lolo Gomo (head) and the Ukon Gono (custodian of the word) pray at the three pillars representing the three groups that all the spirit houses are part of, namely: Loi Nai (Stands Alone), Mone Ichu Mil / Gamal Ichu, Ratu or Ddaatu Mil / Gamal Datu. When the ceremony concludes, all the house members take home the “lulik” foods and betel nut and leaf. The objective of this ceremony is to enrich and make fertile the earth. After everyone has returned home, the spirits of darkness together with the house chief and the women house guardians take the food and pray to the ancestors in the old hamlet.