Iha Belu, NTT iha suku naran Taek Soruk iha kompleksu bee-matan ida naran We Feto. Naran We Feto refere mós ba bee-matan ida iha mota ninin ne’ebé ema konta katak loron ida ferik sa'e kuru bee iha loron manas no derrepente nia lakon. Bainhira nia katuas-oan ba buka nia fen, nia hetan de'it sanan ida no au-toka ida. Ema iha Taek Soruk (1) no Koba Lima hanoin katak feto, liu liu feto isin-rua sira, di'ak liu labele ba bee-matan bainhira loron manas tanba rai-na'in sira mak halimar no bele halo buat aat ba nia. Iha mota leten liuhusi We Feto iha bee-matan seluk besik mota ninin ne’ebé naran We Lalosuk (lalosuk=sa'e mai husi rai) no mos ai-fatuk boot ida. Tinan balun liubá ema husi uma ne’ebé iha relasaun ho bee-matan ne’e muda ai-fatuk ba Manuleten besik Oe Alas. Sira hala'o serimónia boot iha We Lalosuk ho manu limanulu no fahi ida molok ida ne’e sira tau bee kahur ho fahi nia raan iha au-toka ida no kaer iha falun ida hanesan oan ida to’o fatin foun iha Manuleten. Iha ne’e We-Lalosuk nia ‘oan’ mak soe/fakar ba rai hodi hamosu bee-matan foun ida naran We Katimun (katimun hanesan ai ida ne’ebé moris besik bee-matan) iha Manuleten. Hafoin ida ne’e bee ‘inan’ iha We Lalosuk komesa menus ona. 

(1)	Taek Soruk mak parte territóriu rai tuan Lookeu nian no ema Taek Sorik mak ema Lookeu no mós konsidera sira an rasik hanesan ema Lookeu no mós Koba Lima. Ohin loron tanba funu, ema halai/muda ba mai no lalaok polítiku ema Taek Soruk mak tama ba administrasaun rai Fatu Baa nian. Sira nia xefe mak oan ida husi liurai antigu Lookeu nian. 
_________________________

In Belu, West Timor in the village of Taek Soruk are a set of springs known collectively as We Feto (feto=woman). We Feto refers in particular to one spring on the edge of a river bank where a story tells of an old woman who went missing when she went to fetch water at midday. When her husband went to find her all he found by the spring was her earthen cooking pot (sanan) and a dried bamboo cylinder called au toka. It is a common belief in Taek Soruk[1] as well as in Koba Lima that is dangerous for a woman, especially a pregnant woman, to go to spring at midday because this is the time that malevolent spirits are believed to be most active and they may harm her. Further upstream from We Feto is another bank edge spring known as We Lalosuk (lalosuk=stirring up from the ground) with a large stone altar on the river's edge. Some years ago the people from the house connected to this spring moved it to Manuleten (manu=bird, leten=above the ground) near Oe Alas. A large collective ceremony was held at We Lalosuk and fifty chickens were sacrificed along with a pig before water infused with the blood of the pig was placed in a green bamboo cylinder and carried in a baby sling to the new location in Manuleten. Here the 'child' (oan) of We Lalosuk was thrown to the ground to create a new spring We Katimun (katimun=a type of tree that grows near water spring) in Manuleten. The mother water (we inan) at We Lalosuk has been diminished since. 


[1] Taek Soruk is a part of the territory of the ancient kingdom of Lookeu and the majority of the people in Taek Soruk belong to the kingdom of Lookeu and identify themselves as people of Lookeu and as such as the people of Koba Lima. Today, due to wars and displacements and changes to political territories, administratively they belong to the kingdom of Fatu Baa. Their elected leader is currently a son of the traditional ruler of Lookeu.