Uma Lulik Tati’isi mai husi uma lulik Titimori-Kuda Misa. Tuir istória katak iha tempu uluk avó na’in rua ne’e mai husi rai ida naran Watu-Lete Kaila-Lete depois mai hela iha Afalari mak tun mai hela hamutuk iha Titimori, avó na’in rua ne’e maun alin. Maun naran Kilidoe, no alin naran Saldoe mak tun mai iha kraik “Lena” hodi harii Uma Lulik ida naran Tati’isi. Tau naran Tati’isi, ne’e mai husi lian makasa’e, Tati’isi, signifika “husi leten mak tun mai” no signifikadu seluk mak ai-tati mak iha fatin ne’e. Uma Lulik Tati’isi mak uma lulik ida ne’ebé bo’ot no sai hanesan uma ba Liurai sira hodi hela. No iha momentu ne’ebá avó Saldoe ba foti rota lulik iha rai Bercoli-Vemasse hodi lori mai fó ba jerasaun foun sira maka hari’i tan uma ida naran Tati’isi Capitan. 
Uma Lulik Tati’isi nafatin mantein ho ninia originalidade no lembransa husi avo Saldoe nian, tanba lakohi atu halo lakon heransa avo Saldoe nian, razaun seluk mak atu nune’e kada tinan-tina nafatin bolu fila fali oan, beioan sira hotu atu bele halibur hamutuk hodi kuñese malu nafatin.
Uniku husi Uma Lulik Tati’isi ne’e mak sira nafatin rona malu maske jerasaun wain liu ona, no avo Saldoe organiza hela kedan no forma hela estrutura hanesan iha Juiz atu bele rezolve problema sira entre maun alin nian, Kapitan katak nia mak liurai no atu lidera. Nune’e to’o agora  sira mantein nafatin estrutura hirak ne’e nune’e mós prosesu kultura hotu. Agora dau-daun ema ne’ebé hein Uma Lulik Tati’isi mak avo Alberto
===============================================
The Tati’isi traditional house originates from the Titimori-Kuda Misa traditional house. According to history, in the past, the two grandfathers came from a place called Watu-Lete Kaila-Lete and then settled in Afalari, living together in Titimori. The two grandfathers were brothers: one named Kilidoe and the other named Saldoe. They went down to Lena to build a traditional house called Tati'isi. The name Tati’isi comes from the Makasa'e language, meaning "from above that comes down," and it also refers to the tree that is in this place. Uma Lulik Tati’isi is a large traditional house that serves as a home for the kings. At that time, grandfather Saldoe took the sacred route in the land of Bercoli-Vemasse to bring knowledge to the new generation to build another house called Tati'isi Capitan.
The traditional house of Tati’isi still maintains its originality and honors the memory of grandfather Saldoe because the community does not want to lose the heritage he represents. Another reason is that every year, children and grandchildren are called back to gather together and recognize one another.
One significant aspect of Uma Lulik Tati’isi is that its members continue to listen to one another, even after many generations. Grandfather Saldoe organized and formed a structure similar to a judicial system to resolve problems between brothers, with the captain acting as the king to lead. Even today, they have maintained these structures and all cultural processes. Currently, the person who guards the Lulik Tati’isi house is grandfather Alberto.