Historia Husi Uma Lulik “LILI-OMA”.

Uma Lulik Lili-Oma hanesan Uma Lulik da-huluk ne’ebé hari’i husi avô ida ho naran “Avô Boru Sawa”. Iha momentu ne’ebá avô Boru Sawa mai husi AFALOICAI KRAIK hodi mai haki’ak kuda iha knua Buibela, iha ne’e maka avô Boru Sawa haree katak fatin Buibela furak, kapas no rai mós luan, ho nune’e Avô Boru Sawa hanoin katak presiza halo uma iha fatin ne’e, ho nune’e avô Boru Sawa ba fali iha fatin ne’e komesa hamós no lere fatin refere hodi hari’i uluk Uma Lulik LILI-OMA , no iha Uma Lulik refere rai sasan lulik sira hanesan; Morten no Surik Loriku iha laran.
Signifka husi naran Lili-Oma ne’e rasik haktuir husi Avô Abilio Aparicio katak iha tempu uluk depois de avô sira hari’i tiha uma lulik refere avô sira ba hili fatuk naroman sira iha tasi hodi mai prega iha Uma Lulik nia lolon sira no tau mós iha ai-laka soru Uma Lulik nian, nune’e mak ikus mai avô sira tau uma lisan refere ho naran “ LILI-OMA”.
=======================================================
The Lili oma traditional house is the first traditional house built by a grandfather named Boru Sawa. At that time, Boru Sawa came from Afaloicai to raise horses in Buibela village. Upon arriving, he saw that Buibela was a beautiful place, with wide fields of cotton and land. Therefore, Boru Sawa thought it necessary to build a house. He returned to the site, began to clear the area, and prepared the land to construct the Lili oma traditional house. Inside this traditional house, sacred objects are stored, such as the Morten and the Loriku sword.
The meaning of the name "Lili oma," according to Grandfather Abilio Aparicio, stems from the fact that after the ancestors built the traditional house, they went to collect light stones from the sea to attach to the walls of the house and placed them on the wooden structure.