Hahán hakmik ne’e koñesidu tebes iha  Munisipio Viqueque husi uluk iha tempu bei'ala sira nian to’o mai agora. Dala barak komunidade Viqueque Luka han Hakmik ne’e ho tua mutin bainhira sira iha serimónia selebrasaun kulturál ruma ka halibur malu iha fatin ruma.
Atu halo Hakmik ne’e ita presiza prepara nia ingrediente barak, mak hanesan; fehuk tahan, ai-fariña tahan, fehuk midar tahan, fore talin tahan nia dikin, brinjela nurak, hudi dubun, batar uut, kamii, ai-manas, masin,liis mutin, liis mean. Bainhira ingredientes hirak ne’e prepara hotu ona, sei koá hotu modo tahan sira ne’e halo ki’ikoan, depois habokon batar uut ho bee. Hafoin ida ne’e kahur batar uut ho modo tahan sira ne’ebé mak ohin koá ona, no hahú kukus to’o tasak. Depois dé tasak ita bele konsumu hakmik ne’e ona.
Iha tempu uluk ema balun moris to’o tinan 100 mak foin mate, ho ida ne’e bei'ala sira fiar katak bainhira ita han hakmik loron-loron ita-nia vida sei naruk no saúde di'ak no forsa.
============================================================================
A Hakmik food is very popular in Viqueque Municipality, especially in Luka since ancient times until now. The people of Luka often eat this Hakmik with white wine when they hold cultural celebrations or gather together in certain places.
To make this hakmik we need to prepare some ingredients, such as sweet potato leaves, cassava leaves, long bean shoots, banana bud, eggplant, cornmeal, candlenuts, chilies, salt, garlic, and shallots. After the ingredients are prepared, the vegetables are cut into small pieces and then mix water with cornmeal. After that, mix the ingredients evenly and then steam until cooked. Once the hakmik is cooked we can consume it.
In ancient times there were people who lived up to 100 years, so our ancestors believed that if we eat hakmik our lives will be long, healthy and strong.