Uluk ami sei ki’ik ami nia inan aman haruka ami homan Likurai ida ne’e hodi bele uza ba rai sasán no seluk tan. Iha tempu uluk ami nia pasta laiha atu rai sasán no rai hahán ruma, entaun ami nian inan aman hanorin ami homan Likurai ida ne’e para bele uza ba halo atividade loron-loron nia karik presiza.

Likurai ida ne’e iha fatin seluk mós hanesan maibé naran mak parese diferente, maibé ha'u sente hotu-hotu uza tali kubus mak hodi homan sai Likurai.

Iha tempu uluk ami nian inan aman uza likurai ida ne’e hodi ba foti modo karik uza, tau fo'er ba soe, rai ropa ka sasán ruma iha uma laran, uza ba silu batar, uza ba taka manu nurak/oan sira iha tempu kalan, maibé ohin loron ne’e ita mós bele uza ba loja ka merkadu hodi tau sasán ne'ebé ita sosa no tau mós ita-nia produtu hodi bá fa’an. Likurai ida ne’e sai hanesan pasta no balde importante ida ne'ebé ema sempre uza loron-loron.
Prosesu prodús ne’e simples loos, ém primeiru ita presiza ba taa tali kubus, kada likurai ida sei han tali kubus fukun haat, tuir mai sei liri no habai halo maran mak foin lees fali hodi hasai nia kesak maka foin homan sai Likurai, bainhira prontu ona Ita bele uza iha kualkér tempu ne'ebé ita presiza.
============================================================================
When we were young, our parents instructed us to weave Likurai so that we could use it to store things and so on. In those days, we didn't have bags to store things and food, so our parents taught us to weave likurai to use in our daily activities.

Likurai is similar elsewhere but may have different names, but I think they all use palm leaves for likurai.

In the past, our parents used this likurai to pick vegetables, as a bin, as a place to store clothes or items inside the house, use it to harvest corn, and as a cover for chicks at night, but nowadays we can also use it to the shop or market to put merchandise and sell it, this likurai is one of the very important bags and buckets for people to use every day.

The process of making it is very simple. First we have to take palm leaves, each Likurai will take four knots of palm leaves, then the leaves will be dried and will be torn, and remove the lid, then it will be woven into Likurai, and when it is ready we can use Likurai at any time we need.