Iha tempu uluk ita-nia avo sira iha Viqueque Luka susar atu hetan bikan hodi uza ba han, entaun Hane Matan sai hanesan saseluk ida ba bikan iha tempu ne'ebá. Hane Matan halo husi kubus tahan ne'ebé mak homan. Hane Matan, husi tempu bei'ala sira uza hodi tau hahán ne'ebé maran hodi han loroloron no mós uza hodi serve bainaka baibain ka bainaka Liurai sira.

Hane matan ne’e iha Tipu 3 mak hanesan Hane matan ki’ik, Hane matan boot ho nia takan dalas tolu no Hane matan boot ho nia takan dalas ida. Hane matan ki’ik ne’e ema hotu bele uza tantu liurai no reinu baibain, maibé Hane mantan boot ho nia takan dalas 3 ne’e uza hodi serve Liurai sira. Bainhira atu serve liurai sira Hane matan Boot refere sei halo dalas tolu mak foin taka ho nia matan dalas tolu mak foin tau iha Liurai sira nia oin, ne’e mak ema bolu dehan “Hein tolu takan tolu”.

Prosesu halo Hane matan, iha etapa primeiru ita presiza ba foti kubus tahan no loke kubus tahan ne’e halo belar no habai to’o maran, tuir mai ita fahe kubus tahan ne’e hodi hasai nia kesak no halo ki’ik tuir medida ne'ebé ita hakarak mak foin  homan tuir ita-nia hakarak sai Hane matan boot, Hane matan ki’ik, no Hane matan nia matan.
=====================================================================
In the past our ancestors in Viqueque Luka found it difficult to get plates to use for meals, so the Hane Matan was a substitute for plates in those days. Hane matans are made from woven palm leaves. Hane matans from ancient times were used to put dry food to be consumed daily and were also used to serve guests in common and also the royal family.

There are three types of Hane matan: small Hane matan, large Hane matan with a three-layer cover and large Hane matan with a single-layer cover. The small Hane matan can be used by everyone, from commoners to royalty, but the large Hane matan with a three-layered cover is only used to serve kings. When serving the kings, the Hane matan will be arranged into three layers and the cover will also be arranged into three layers as well, and then placed in front of the kings, and this is called "Hein tolu takan tolu".

The first step to make Hane matan is by taking palm leaves and unwrapping them and drying them, then splitting the palm leaves and removing the lids, and then cutting the dried palm leaves into small pieces according to the desired size, and weaving them into large Hane matan, small Hane matan, and the Hane matan lid or cover.