Iha tempu uluk antes Relijiaun tama iha ita-nia nasaun no ema hotu seidauk koñese no hatene maromak, iha tempu ne'ebá ita-nia bei'ala sira hatene no rekoñese katak iha kriatura ida ne'ebé kria buat hotu-hotu iha mundu no ita ema, maibé sira hatudu sira-nia fiar no husu matak malirin ka moris di’ak no protesaun liu husi Ete-uruha’a.  Ete-uruha’a ne’e husi tempu bei'ala sira ita-nia avoo sira fiar no hanoin katak sira nia moris ida-ne’e tenke iha buat ruma ne’ebé bele proteje sira-nia an, sira-nia sasán no rikusoin, ho nune’e mak sira harii/kria Ete-uruha’a ida ne’e. Bainhira Ete-uruha’a ne’e iha ona, entaun sira foin sente seguru tanba iha ona buat ruma ne'ebé proteje sira, tanba ida ne’e Ete-uruha’a ne’e ita-nia avó sira konsidera hanesan sira nia Maromak antes sira koñese Relijiao no hatene Maromak.

Atu halo Ete-uruha’a ne’e ita la uza Ai arbiru tanba Ai balun nia durasaun la to’o tinan barak, ho nune’e dala barak avoo sira halo Ete-uruha’a ne’e husi Ai ho tipu 3 mak hodi prodús, Ai hirak ne’e mak hanesan; ho lian fataluku Ai ho tipu Fara Uruha’a, Tara Uruha’a, Sik Uruha’a, sira uza mak Ai ho tipu 3 ne’e tanba ai ne’e bele dura ba tinan 7 ba leten. Prosesu prodús Ete-uruha’a ne’e nia prosesu prodús husi kada uma lisan nian la hanesan ka sira nia maneira ka métodu prodús ne’e diferente, tanba ida ne’e mak kada uma-lisan nia métodu no ida-ne’e mós sai hanesan segredu ida ne'ebé ba sira nia uma-lisan laran de'it mak bele hatene, komunidade Lautem tomak fiar katak segredu kada lisan sira nian ne’e ema seluk labele hatene, tanba bainhira ema seluk hatene ona, ida ne’e bele sai hanesan ameasa no perigozu boot ida ba sira nia vida. Tanba Ete-uruha’a ne’e avoo sira utiliza ka hamulak ba hodi bele proteje sira iha situasaun saida de'it, atu la'o dook ka ba rai li'ur karik hamulak hodi akompaña sira(ne’e mak iha fataluku bolu dehan “Nuarai”) tanba ida ne’e segredu sira ne’e sai hanesan asuntu konfidensiál tebes iha sira nia uma lisan laran.

Ete-uruha’a ne’e uluk ita-nia avoo sira no to agora ema Lautem sira konsidera hanesan lulik ida hodi proteje sira nia an, sira nia Ai-han, no sira nia sasán ka rikusoin, no mós konsidera hanesan sira nia avó ka sira nia maromak segundu ne'ebé sira fiar no sadere an ba. Tanba ida ne’e iha kada tinan ema sira ne'ebé nia lisan hanesan ka hamahon an iha Lisan ida de'it ne’e sira sira sempre mai hamutuk no halo kontribuisaun hodi prepara materiál ba halo rituál nian atu hamulak ba kada tinan hodi husu matak malirin, husu para proteje no akompaña sira nafatin hodi ajuda sira iha kualkér tempu ka kondisaun no iha ne'ebé de'it. Dala barak husu akompaña ne’e iha tempu funu, tempu bainhira ema ruma moras, no tempu sira nia jerasaun ruma atu sai ba dook ka rai li'ur, tanba avoo sira fiar no konsidera ida ne’e hanesan mós lutu ida ba sira.

Iha mós ninia bandu bainhira halo rituál hamulak mak bainhira atu hamulak, jerasaun feto no fetosaan sira labele ba tuir serimónia hamulak ida ne’e, maibé iha lisan baluk sira nia feton no fetosaan sira bele tuir maibé sira tenke tuur dook, bainhira han mós sira la han hamutuk ho mane sira no sira só han na’an ne'ebé ema Lautem oan sira hanaran (“Leura Velika” ka na’an liman karuk) no na'an lulik ne'ebé mak han la hotu bele lori fila ba uma maibé feto sira labele han inklui mós ema seluk ne'ebé la'ós pertense iha uma-lisan ne’e mós labele han.
=======================================================================================
In ancient times before religion came into our country and everyone did not know and recognise God, our ancestors knew and recognised that there was a being who created everything in the world and human beings, but they showed their faith and asked for blessings, or a good life and protection through Ete-uruha. The Ete-uruha from the time of our grandparents believed and thought that their lives should have something to protect themselves, their possessions, and their wealth for which they established Ete-uruha. It was only when Ete-uruha was established that our ancestors felt safe because they believed that there was something that had protected them and consider the source of security for our ancestors and they believed in it as God before they recognise religion and God. 

Ete-uruha is made of wood and to make it do not use any wood because some wood does not last for a long time, therefore our ancestors made Ete-uruha from three types of trees, namely in fataluku language: Fara Uruha'a, Tara Uruha'a, Sik Uruha'a. They used these three types of trees because they can last more than seven years. The production process of Ete-uruhah has different production methods from each traditional house. It is also a secret that should only be known by their households, the entire Lautem community believes that the secrets of each traditional house should not be known by others, because if others know, it can be a significant threat and danger to their lives. As Ete-Urahah was used by our ancestors to protect them in any situation, to travel far or abroad they would pray to Ete-Urahah to accompany them on their journey (this is called "Nuarai" in Fataluku), so the secrets became very secret in their traditional houses.

From the time of our ancestors until now the Lautem people have regarded Ete-Uruhah as sacred to protect themselves, their food, and their property, and our ancestors also believed that Ete-Uruhah was their second God, whom they trusted and relied on. Therefore, every year people with the same tradition or under the same tradition always gather and contribute to the preparation of materials every year for rituals to pray and ask for blessings, and protection, and to be with and help them whenever or in any condition and wherever. Mostly people ask for protection in war, when someone is sick, and when a generation is going far away or abroad because our ancestors believed and considered it a help to them.
Women and fetosaan (family of the husband) are also prohibited from attending the ceremony, but in some traditions, women and fetosaan may attend but must be seated away from the ceremony site. When they eat, they are prohibited from eating with the men and they can only eat meat called "Leeura Velika" or left-hand meat. Left over sacred meats can be taken home, but women are not allowed to eat them, including others who are not family members.