Iha tempu uluk iha era ida antes ai-moruk kimika nian tama mai Timor, ita nia beiala sira depende los ba ai-tahan no ai-kulit sira ne’ebé iha uma sorin-sorin hodi halo kurativu. Entre ai-moruk hirak ne’e mak ida ho naran ai-moruk Babalasa. Ai-moruk Babailasa ne’e bazeia ba istória avo sira konta dehan katak uluk iha segundu guerra mundial, funu entre Australia ho Japan, entaun forsa Australia soe/kari fini husi aimoruk refere husi Aviaun leten tun mai rai ho nune’e mak aimoruk ne’e moris iha ita nia rain to’o agora. Iha tempu okupasaun tropas Indonesia nian, ita nia funu nain ka heroi sira ne’ebe iha ai-laran bainhira sira hetan kanek ruma, sira sempre uza mak ai-moruk Babailasa hodi halo kurativu.
Aimoruk ne’e moris iha kualker ambiente ka fatin, maibé dalabarak sira buras liu iha fatin nakloke ka rai tetuk luan, dalabarak buras liu mak iha Viqueque, Baucau, no Lospalos. Aimoruk Babailasa ne’e epesiál liu ba uza hodi kura kanek, atu kanek bo’ot ka ki’ik mos bele kura hotu. Prosesu uja ai-moruk hodi halo kurativu mos simples, fasil no lalais, laiha ingridiente seluk hodi kahur ai-moruk, no mos laiha lulik no bandu ruma bainhira uza ai-moruk refere. Bainhira ema ruma hetan kanek, ita lori Babailasa nia dikin, depois fase liu tia mak hodi mama ka dulas ho liman ou bele fai halo rahun tia mak taka ba kanek, depois kesi halo metin (lebele metin liu), no husik to’o 24 horas mak hasai hodi tau fali foun. Prosesu kurativu depende ba kanek ne’e nia kondisaun karik kanek ne’e bo’ot entaun liu loron rua ita haree iha mudansa no karik laiha mudansa tenke lori ba ospital hodi hetan kurativu husi doutor sira.
________________________________________________________________________________________________________________________________

In the past, before chemical medicines entered Timor-Leste, our ancestors relied on the leaves and bark of trees in the vicinity of the house for treatment. Among these medicines is one called Babailasa. According to our grandparents, during the Second World War, Australian troops threw the seeds of the medicine from an airplane onto the ground and it grew and flourished in our country today. During the Indonesian occupation, our fighters or heroes who were in the forest used this medicine to treat wounds.
It can live in any environment or place but often thrives better in open or flat lands, such as Viqueque, Baucau, and Lospalos. Babailasa medicine is specifically used to heal both small and large wounds. The processing of the medicine is very simple, easy, and fast, without mixing with other ingredients, and there is nothing sacred or forbidden when using the medicine. When someone is injured, we will take Babailasa leaf buds, then wash them thoroughly and then chew or grind them by hand or can also crush them until smooth, then cover the wound, then tie it with a cloth tightly (not too tightly), and leave it for 24 hours. After 24 hours, the medicine should be replaced with a new one and then applied to the wound. The healing process of the wound depends on the condition of the wound. Usually after two days we can see changes, and if there is no change, the patient should be taken to the hospital to get treatment from a doctor