Foto tais ida-ne'e hasai iha Abril tinan 2010 husi Fundasaun Alola. Tais ne’e soru husi Candida Soares Pinto iha tinan 2000. Tais mane Ade mean tahan rua mak suku hamutuk  predominante ho kór mean  ho risku boot mean neen iha tahan ida no tekniku futus/ikat. Tais tahan primeru hanesan ho segundu ho nia futus boot ida iha sorin-sorin entre futus kiik sira. Material ba halo tais ne’e uza kabas loja no nia motif uza kór naturál. Tais ne’e iha motif baria tahan. Deskrisaun motif hirak ne’e reprezenta plantasaun ka símbolu natureza. Tais ne’e nia pozisaun iha estrutura sosiál numeru primeiru ba ema terik sira iha munisipiu Viqueque. Funsaun tais  ne’e uza ba halo barlake,  serimónia kulturál, simu bainaka no seluk tan.