Dokumentasaun Fundasaun Alola hasai iha postu Administrativu Tutuala munisípiu Lautem iha Dezembru 2009.  

Tais feto ne’e soru husi Ernestina Pereira iha tinan 2007 iha suku Tutuala, munisipiu Lautem. Material ba halo tais ne’e uza kabas loja ho nia motif uza kór natural. Tais ne’e predominante kór mean ho nia motif ka dezeñu iha tais lolon mak objetu espiritual - kruz "pitin fanu furu" fataluku/"mutin oin badak" Tetun, "Hual" Fataluku/"Sasuik" Tetun. Tais ne’e nia motif  futus oan kotu-kotu hat mak taka futus inan husi sorin-sori entre reskadu metan boot. Tais ne’e tuir estrutura sosiedade ema Fataluku no nia pozisaun númeru três. Tais bain-bain uza hodi hala'o serimónia kulturál, fó barlake ba mane foun sira no hatais ba igreja.