Tara Bandu iha Bercoli hahú iha tinan 2016.
_______________
Iha tinan 2016, lian-na’in sira husi aldeia viziñu rua iha reinu Bercoli (munisipalidade Baucau) hasoru malu ho membru komunidade hodi deside kona-ba no renova sira-nia serimónia regulamentu tara bandu nian. Liu tiha tinan ualu desde sira-nia serimónia tara bandu dahuluk iha períodu pos-independénsia nasionál no komunidade komesa prosesu sosializasaun durante fulan sia hodi negosia kona-ba termu no kondisaun ba tara bandu foun ne’e. Maski aldeia sira fahe tuir baliza administrativu, sira liga ba malu iha reinu rituál-polítiku ida de’it. Populasaun nia movimentu ba mai tanba invazaun Indonéziu no programa obriga ema atu husik sira-nia rai mak provoka konflitu oioin. Okupa rai husi ema balu durante periodu ida-ne’e hamosu konflitu no disputa violentu balu iha komunidade no família balu nia laran no kontinua atu halo komunidade sira balu laran la metin. 

Ho asisténsia finanseiru no material husi organizasaun nasionál no internasionál balu, akordu formál ida asina no serimónia boot hala’o no envolve komunidade tomak iha fulan Outubru tinan 2016. Akordu tara bandu ne’e regula kona-ba hahalok violentu hasoru ema no sasán, na’ok no disputa sira ne’ebé envolve rai, uza rai no propriedade (por ezemplu relasiona ho kuda rai, fahe bee, animál sira hanesan karau ka bibi estraga ema nia toos no hili produtu ai-laran lahó autorizasaun). Komité ida estabelese (ho reprezentante feto no foin-sa’e sira) hodi supervisiona lala’ok tara bandu nian inklui prosesu mediasaun/fó multa. 

Tuir akordu ne’e, tara bandu ne’e sei kontinua durante tinan hitu. Iha tinan 2018, komunidade foti konkluzaun katak inisiativa susesu boot ida tanba hametin sira-nia koezaun nu’udar komunidade ida, konsege rezolve disputa balu envolve rai no rekursu naturál sira seluk no kontribui ba sistema jestaun rekursu naturál ne’ebé ema barak aseita no suporta. Ema barak deklara sira-nia preferénsia boot ba sistema rezolusaun konflitu tradisionál duké sistema judisiáriu formál. 
_______________________________
In 2016 ritual leaders from two contiguous villages in Bercoli domain of the Baucau municipality met with their community and decided to renew their tara bandu ceremony and regulations. It was eight years since their first post-independence tara bandu, and the community embarked on a nine-month socialisation process to negotiate the new terms. While the villages are administratively divided, they are joined together as the one named politico-ritual domain. Population movements due to the Indonesian invasion and subsequent forced resettlement patterns in the villages have left their own legacy of conflict. Opportunistic land occupation by some during this period and associated violent altercations within families and communities in the post-conflict period are a significant and ongoing source of community unease.

With the financial and material assistance a national/international NGOs, a formal document was produced and a community-wide tara bandu ceremony was conducted in October 2016. Among others, it set prohibitions on matters of violence against persons and property and theft as well as disputes over land, land use and property (for instance related to the cultivation of fields, water sharing, crop destruction by livestock and unauthorised harvesting of forest products). A committee (including representatives of youth and women’s groups) overseeing the prohibitions as well as mediation processes and fines were outlined as well. 

The tara bandu was to be in place for a total of seven years. In 2018 it was viewed generally in the community as a successful initiative that had strengthened community cohesion, successfully resolved various disputes over land and other natural resources, and contributed to widely accepted natural resource management. People said they explicitly preferred customary conflict resolution over formal judicial processes.