Uma lisan Telibolo mak uma ida ne’ebé nia jerasaun husi Tati’isi. Iha tempu uluk, Avô ida, ho naran Saldoe nia iha jerasaun wain ona iha Lena, entaun nia hanoin atu forma estrutura no fahe knaar ba jerasaun sira atu nune’e labele halo arbiru. Tan ne’e nia fó knaar ida hanesan Dambua Manulai hodi sai hanesan lia nain ka Juiz atu nune’e bele sai juiz ba uma lisan sira hotu. Ho nune’e mak sira hari’i uma lisan ida hanaran Telibolo iha lian Maksa’e  “Leba na Tame Nisi ” katak Hamri’ik iha klaran ka sentru. Atu nune’e nia hamri’ik iha klaran no bele rona ema hotu-hotu nia ideia. Avô ida ne’ebé mai hela uluk iha Telibolo mak ho naran Lubukili, depois mak avô na’in neen, seluk mai hela tan mak ho naran Lobukiti, Loilobo, Laklobo, Rai Ko Dorko, Kaitae, Leiktae , Dirgaleki Darleki, Keileki. To’o mai jerasaun agora Telibolo nafatin Juiz ba uma lisan sira hotu ne’ebé iha aldeia Lena nia laran.
Iha uma lisan Telibolo iha buat lulik sira mak hanesan “irabelu malu asa” iha lian Tetum katak bua no malus hodi fó matak malirin ba oan no bei-oan sira hotu, no uma lisan ida ne’e nia lulik mak hanesan feto foun ida mai iha uma lisan ne’e maibé seidauk halo barlakeadu mak nia seidauk bele tama ba uma lisan ne’e nia laran no wainhira tama uma lisan Telibolo nia laran tenki ho respeitu. 
Uma lisan Telibolo bandu ba nia oan, bei-oan, no jerasaun foun sira atu la-bele halo hahalok sira hanesan la-bele bosok, jerasaun Telibolo tenki sai netraliza, la bele naok, la hola feto rua. Hahalok hirak ne’e mak bandu ba jerasaun Telibolo nian, tanba Telibolo hanesan Juiz ida, no sai Juiz ida tenki iha hahalok ida ne’ebé di’ak. No agora daun-daun ema ne’ebé hein uma lisan ne’e mak naran avó Domingos.
============================================================
The Telibolo traditional house is a lineage whose descendants come from Tati’isi. Once upon a time, a grandfather named Saldoe had many generations in Lena, and he thought it wise to form a structure and divide the tasks among the generations to prevent arbitrary actions. Therefore, he designated a task to Dambua Manulai, who became a lia na'in, or judge, so he could serve as a judge for all the tribes. They built a traditional house called Telibolo, which in the Makasa'e language is “Leba na Tame Nisi,” meaning "standing in the middle" or "center." This house stands in the middle so that it can hear everyone's ideas. 
The first grandmother to live in Telibolo was named Lubukili, followed by six other grandmothers who came to reside there: Lobukiti, Loilobo, Laklobo, Rai Ko Dorko, Kaitae, Leiktae, and Dirgaleki Darleki. To this day, Telibolo remains the judge for all the traditional houses in Lena village.
In the Telibolo traditional house, there are sacred items such as "irabelu malu asa" in Tetum, which means bua and malus, believed to give cool spirits to all children and grandchildren. The lulik of this traditional house pertains to the arrival of a new woman into the family, who has not yet made barlakiadu.
The Telibolo clan forbids its children, grandchildren, and new generations from engaging in certain behaviors, such as lying. The Telibolo generation must remain neutral, not steal, and not marry two women. These behaviors are prohibited for the Telibolo generation because a judge must uphold good behavior. Currently, the person who guards the house is called grandfather Domingos.