Uluk lalehan ho rai ne’e iha ligasaun di’ak no distansia entre lalehan no rai ne’e mos besik malu, nune’e bei'ala sira husi Uma Dato Babulu sempre halo viajen ba lalehan, liu-liu ba simu orden ukun nian husi lalehan hodi ukun povu sira iha rai. Bainhira tempu to’o bei'ala sira husi Uma Dato Babulu sempre sa'e ba lalehan hodi simu orden husi Maromak mak tun fali mai rai no bainhira atu sa'e ba lalehan sei uza “Lakat”, tanba Lakat ne’e nia talin liga entre lalehan no rai, entaun bainhira bei'ala sira atu sa'e ba lalehan sira sei tuur iha lakat ne’e nia leten mak foin dada-an sa'e ba lalehan. Maibé, oras ne’e distánsia entre lalehan no rai do’ok malu ona entaun jerasaun Uma Dato Babulu tara de'it Lakat ne’e iha Uma lisan nia Kakuluk. Nune’e Lakat ne’e nia funsaun mak sai hanesan transporte ida ba bei'ala sira husi Uma Lisan Babulu hodi uza halo viajen ba lalehan hodi simu orden husi Maromak, maibé oras ne’e daudaun nia funsaun nakfilak ona ba fali fatin rai matebian sira nia hahan no fatin hodi harohan ba bei'ala sira no Maromak.

Lakat ne’e labele halo uza ai arbiru maibé sei halo husi Ai ida naran “Ai-tui”, tanba Ai-tui ne’e hanesan Ai ida ne’ebé kaman, forsa no dura ba tempu naruk. Atu produs Lakat ne’e mós la'os jerasaun Uma Dato Babulu mak halo, maibé sei halo husi uma lisan Dato Babulu nia sanak ida ne’ebé sira bolu Uma Liman Badain Makerek. Uma lisan Liman Badain Makerek mak produs Lakat ne’e mak foin lori mai tara iha Kakuluk Uma Dato Babulu nian no iha tempu halo lulik ruma ema seluk ne’ebé la'os husi jerasaun Uma Lisan Dato Babulu labele besik.

Uluk jerasaun Uma Dato Babulu lahatene sira nia istória no funsaun kona ba Lakat ne’e rasik, maibé iha tinan 2003 Sr. Eugenio (Mali Iku) hetan milagre bo’ot ida liu husi nia mehi hodi hasoru nia Bei'ala sira. Iha sira nia hasoru malu ne’e Bei'ala sira konta istória kona-ba Uma lisan Dato Babulu no funsaun husi Lakat ne’e, ho nune’e Sr. Mali Iku haktuir ninia mehi ne’e ba nia Maun Alin no Bei-oan sira no ikus mai sira desidi halo fali Lakat no konvida uma lisan sanak sira hotu hodi tara fali Lakat ne’e iha Uma Lisan Dato Babulu.

Iha tempu agora bainhira halo ritual, lulik ka hamulak ruma hodi husu matak malirin ba Maromak, jerasaun husi Uma Lisan Dato Babulu sira sempre hamulak liu husi Lakat, tanba sira fiar katak bainhira sira harohan liu husi Lakat ne’e, sira nia harohan no hamulak hirak ne’e sei sae direta ba Lalehan no baihira sira husu Matak Malirin liu husi lakat ne’e Maromak no bei'ala sira sei fó bensaun direta ba sira.
==============================================================================
In ancient times heaven and earth had a good relationship and the distance between heaven and earth was very close, so the ancestors of the Dato Babulu family always traveled to heaven, especially to receive orders from heaven to rule the nations on earth. When the time came the ancestors of the Dato Babulu family would ascend to heaven to receive orders from God and then descend back to earth to carry out those orders and as they would ascend to heaven they would use the "Lakat", because the Lakat has a rope that connects heaven and earth. So when the ancestors would ascend to heaven they would sit on the Lakat then pull the rope from the Lakat to ascend to heaven. However, the distance between heaven and earth is now far, so the descendants of the Dato Babulu House only hang it on the roof of the traditional house. Thus, the Lakat served as transport for the ancestors of the Dato Babulu traditional house to travel to heaven to receive God's command, but now it serves as a place to put food for the souls and a place to pray to the ancestors and to God.

Lakat cannot be made from just any tree but must be made of a tree called "Ai-tui", as this tree is light, strong, and durable. Lakat will also not be produced by Uma Dato Babulu but produced by a branch of Uma Dato Babulu, which they call Uma Liman Badain Makerek. The Uma Liman Badain Makerek would produce the Lakat. Then it would be brought and hung in the Dato Babulu house and during the sacred ceremony, other people outside the Dato Babulu house generation would not be allowed to approach the Lakat.

The previous descendants of the Uma Dato Babulu did not know the history and role of the Lakat, but in 2003 Mr. Eugenio (Mali Iku) received a great miracle through his dream, meeting with their ancestors. During the meeting, the ancestors told him the history of Uma Dato Babulu and the function of the Lakat, so Mr. Mali Iku told his brothers, sisters, and grandchildren about his dream. They decided to rebuild the Lakat and invited all the branches of the traditional house to put the Lakat back in Dato Babulu's traditional house.

Now when they pray for a ritual, or ask for blessings, the descendants of Uma Dato Babulu always pray through the Lakat, because they believe that when they pray through the Lakat their prayers and requests will be taken to heaven and will be directly heard by God and the ancestors.