Fatuk inan – Fatuk oan sai hanesan instrumentu ka materiál importante ida ne'ebé ita-nia avo sira uza loron-loron hodi ajuda sira iha parte halo hahán to’os sai mamar ka rahun hodi nune’e bele konsumu. To’o agora komunidade sira sei uza nafatin tanba presiza hodi tuku batar ka hahán balun ne'ebé to’os hodi han.

Fatuk ne’e foti husi fatuk sira ne'ebé iha mota laran. Dala barak liu avo sira ne'ebé nehan monu ka nehan labele ona atu han batar ka hahán to’os ruma sira uza fatuk ne'e hodi tuku batar daan hodi han, no mós tuku bua ne'ebé maran hodi mama, aleinde ida ne’e fatuk ne’e mós uza ba tuku batar halo rahun hodi fó ba manu oan sira. Fatuk ne’e ita-nia Avo sira uza loron-loron no laiha lulik ka bandu ruma kona ba fatuk ne’e ne'ebé ita presiza halo tuir bainhira ita uza.
=========================================================================
"Fatuk Inan no Fatuk Oan" is an essential tool or material used by our ancestors in their daily lives to help pound hard foods. In modern times, people continue to use it to pound corn or other hard foods.

The stones are taken from the stones in the river. Usually, older people who are toothless or those who cannot eat solid food will use the stone to pound corn to eat, and also dried areca nuts to chew. In addition, it is used to pound corn that will be given to chickens. This stone is used by our ancestors every day and there is no sacred touch or prohibition that we must follow when using it.