Dom Boa Ventura

Funu kontra male mutin Portugal ne’ebé koñesidu liu mak Funu Manufahi. Funu ne’e ne’ebé komesa hanesan asaun revolta balu iha tinan 1880 remata iha 1912 ho liurai Manufahi, Dom Boa Ventura, nia derrota. Ohin iha nasaun foun Timor-Leste, ema barak konsidera Dom Boa Ventura hanesan asuwain nacionalista dahuluk ba nia revolta kontra impostu sira husi ukun-na’in Portugés. Maibé iha Baucau ema lokál sira konta istória kona-ba Dom Boa Ventura nia asaun sira kontra kolonializmu ne’ebé la liga ho revolta kontra impostu ka motivu nacionalista sira. Tuir Major Ko’o Raku, Boa Ventura nia funu ikus liu hetan impulsu tanba violasaun ba aliansa kazamentu ida (hanesan ho funu sira seluk barak iha Timor). Tuir istória Major Ko’o Raku nian, la ko’alia kona-ba impostu ka nasionalizmu maibé refere ba vizita ida husi Administradór Dili ba Dom Boa Ventura nia uma. Dom Boa Ventura halo akordu barak ho malae Portugés sira hodi kontrata ema lokál atu halo to’os algodaun no produsaun agríkola seluk. Momentu ne’ebá Administradór Dili halo vizita ba Manufahi hodi halo inspesaun iha rejiaun ne’e. Maibé bainhira Dom Boa Ventura sai ba to’os sira hodi halo supervizaun, Administradór refere halo relasaun seksuál ho Dom Boa Ventura nia feen. Hafoin simu informasaun kona-ba akontesimentu ida-ne’e Dom Boa Ventura organiza mane lubun ida atu hale’u Administradór iha momentu nia sai husi nia kuartu. Sira ko’a mane ne’e nia pénis, tau iha bikan ida no lori entrega ba Administradór nia feen iha Dili. Tanba hakfodak loos, nia feen husu ajuda ba Administradór Baucau ne’ebé mobiliza kedas no haruka moradores sira husi ezérsitu liña daruak ba Manufahi. Forsa sira hanoin katak sira-nia misaun mak atu apoia malae mutin Portugal atu hetan Dom Boa Ventura ne’ebé, tuir informasaun ne’ebé sira simu, lakon. To’o iha Manufahi, forsa sira foin hatene katak malae mutin sira bosok sira, maibé tarde liu ona atu dada-an no batalla komesa ona. 
___________________

The most famous of the many indigenous insurrections against Portuguese colonial rule is known as the Manufahi rebellions. Taking place in a series of uprisings from 1880, the insurrections ended in 1912 after the defeat of the local Manufahi ruler Dom Boa Ventura. Today in the new nation of Timor Leste, Dom Boa Ventura is officially regarded as Timor’s first nationalist hero and is often linked to the issue of head tax rebellion. In contrast to stories of tax rebellions or incipient nationalism, in Baucau more localized indigenous tellings the Dom Boa Ventura series of rebellions is expressed somewhat differently. According to Major Ko’o Raku, the Boa Ventura insurrection was finally triggered, as with many Timorese wars, by the betrayal of a marital alliance. Taxation and nationalism do not figure in this account, which occurred after a visit to the house of Dom Boa Ventura by the Administrator from Dili. A faithful party to local compacts with the Portuguese colonists, Dom Boa Ventura had organized his subjects to grow cotton and other crops. At this time he was hosting a visit by the Administrator who had come to inspect the region. However, while Dom Boa Ventura was out during daylight hours overseeing the fields, this man repeatedly entered the private rooms of the house and engaged in sexual relations with Dom Boa Ventura’s wife. Alerted to the happenings, on the Dom’s return the Administrator was encircled by a large party of men as he emerged from the bedroom. The Administrator’s penis was cut off and put on a plate, after which it was delivered by a messenger to Dili and presented to his wife. Alarmed, the Dili Administrator’s wife sent immediately for support from the Administrator of Baucau who rallied together the moradores of Baucau’s second line regiment. While these troops went willingly to support the Portuguese in Manufahi, the expedition had set out on the premise of assisting the Portuguese to locate the Dom who had somehow become lost. It was not until they arrived in Manufahi that they realized they had been lied to by their Portuguese masters. By then it was too late to withdraw, and the battle had begun.