Tais ne’e soru husi Abu Nahak (Maria de Jesus Soares Barros) iha tinan 1970 iha suku Suai Loro, postu administrativu Suai, munisípiu Covalima. Materiál ba halo tais ne’e uza kabas loja ka kabas komersiál no nia motif uza kór sintétiku kahur kór naturál. Tais ne’e iha motif “Baria Fuan no diamante haat” nomós motif komplementa seluk hanesan futus oan kotu-kotu husi sorin.  Funsaun tais ne’e uza ba serimónia funerál no simu bainaka iha loron nasionál.