Molok seremónia kulturál Babulo Mane Hitu nian iha 2015, uma ulun sira husi uma rai na'in Babulo hanoin atu halo tais mane ida ho makerek foun ba mane sira husi uma rai na'in. Tais ne'e foin mosu iha 2015. Molok ida ne'e feto sira husi uma rai na'in de'it mak hatais tais ida uniku naran 'krabi wa'e mae'. Maibe uma ulun rai nain sira hanoin katak hodi ema bele hatene diak liu tan se-se mak rai nain durante seremonia ka ritual komunidade sira,  mane sira mos tenke hatais tais espesial. Nune'e sira halo konsulta ba malu no halo makerek tais foun. Elementu balun hanesan ho feto sira nian, hanesan kor metan no mean maibe elementu sira seluk la hanesan. Iha foto ne'e iha liman karuk ita bele hare'e tais mane ba uma kain sira husi rai nain Daralari, iha liman los mak tais husi uma ne'be laos rai nain maibe iha relasaun ho rai nain sira. 
________________