Buka kura moras iha Timor-Leste dala barak mak dalan naruk. Timor-oan sira rekonese no fiar dalan barak atu kura moras ne’be involve aspektu espiritual, fisiku no pesoal. Liu husi observasaun no aprendizajem ema koko kura moras liu husi dalan oin-oinm no mos hatutan matenek ba gerasaun foun.

Hametin Hatutan Lisan leno dalan buka kura moras nain hitu husi area rural no urbanu sira iha Munisipiu Baucau, husi tempu resistensia armada to’o Independensia. Tuir ida-idak nia sirkunstasia no aksesu ba recursu, familia sira fahe sira nia matenek kona ba oinsa atu kura moras lor-loron nian, kura nain espesialista balun aplika sira nia metodu diagnostiku no tratamentu ba moras ne’be mos karik todan. Kura nain sira halibur sira nia matenek kona ba ai-moruk tradisional, metodu diagnostiku tuir kultura nian no mos matenek liman badain ruin tohar tuir nesesidade no oportunidade. Mezmuke dalan kura moras oin-oin, sira mosu mai iha ambiente kultural ida deit ne’be ema sei kaer metin. Kura nain sira iha komunidade nia le’et lao ketak husi institusaun saude formal, maibe fo ita nia hanoin kona ba desafiu no oportunidade ba koordinasaun.

Hametin Hatutan Lisan, ne’be realiza durante tinan tolu nia laran mak kontribusaun ida iha kolaborasaun peskiza entre direitor sira no kura nain sira balun iha Timor-Leste. Filme ne’e husu ba audiensia atu konsidera ida-idak nia hanoin kona ba saida mak saude? Saida mak bem-estar? No hakarak hatudu katak dalan kura involve mos fiar no tau matan ba ema iha sira nia ambiente. 

Ami agradese tebes no hato’o ami nia respeito ba kura nain sira ne’be fahe sira nia hanoin, matenek no esperiensa ho ami no mos komunidade Munisipiu Baucau